A empresa Laboratorios Asociados Nupel, S.L. conta cun Departamento de Tradución, formado actualmente por un equipo humano especializado en traducións de textos cientificotécnicos: ámbito médico, farmacéutico e xurídico. Este equipo é o responsable de levar a cabo todas as traducións da documentación técnica e, en particular, dos dossieres de rexistro. Realizan traducións directas de inglés, francés, galego, portugués e árabe ao castelán e inversas do castelán ao inglés, francés, galego, portugués e árabe.

 Este Departamento constitúe un soporte imprescindible para a empresa. Tendo en conta que unha das súas principais actividades é a exportación, a relación cos diferentes países fai necesario o dominio das linguas oficiais de cada uno deles e poder, deste xeito, presentar os documentos pertinentes na lingua oficial correspondente. Aínda que ata o momento o volume de interpretacións realizadas non é equiparable ao de traducións, este departamento tamén dispón deste servizo, en colaboración co departamento de exportación, dado que as viaxes realizadas ao estranxeiro requiren o coñecemento da lingua oficial de devanditos países ou, no seu defecto, do inglés, ferramenta básica hoxe en día no mundo dos negocios.

 Desde Laboratorios Asociados Nupel S.L. ofrecemos aos nosos clientes a posibilidade de contratar os servizos de tradución xurada dos documentos que así o requiran.