Da teoría
á práctica
| Investigación e desenvolvemento |
|
|
|
|
Son ben coñecidos os Laboratorios que traballan na busca de novos principios activos con actividade farmacoterapéutica ou en novas indicacións para os principios activos que forman parte de Especialidades Farmacéuticas xa coñecidas e comercializadas. Estas liñas, aínda que moi interesantes, son moi custosas en tempo e diñeiro. Laboratorios Asociados Nupel prefire apostar por proxectos a máis curto prazo, e con moitas posibilidades de mercado. Non podemos esquecer que a exportación é un punto moi importante desta empresa e que comporta uns ingresos anuais considerables.
Dentro das liñas que segue a empresa, está o desenvolvemento de novas Especialidades Farmacéuticas de principios activos xa coñecidos, modificando a súa composición, concentración (permitindo mellorar as posoloxías) e formas de liberación dos mesmos (centrados en formas farmacéuticas de liberación sostida). Estes proxectos de investigación son levados a cabo conxuntamente coa Universidade e cos Departamentos de I+D doutros Laboratorios Farmacéuticos. Este desenvolvemento permítelle á empresa a posta no mercado de formas farmacéuticas anovadoras. |