Laboratorios Asociados Nupel aposta por produtos farmacéuticos que cumpran os máis estritos niveis de calidade. Os seus esforzos e inversións van encamiñados a dispor de instalacións de vangarda e cos últimos avances tecnolóxicos que permitan satisfacer os requisitos actuais e futuros.

 A fabricación de produtos farmacéuticos é levada a cabo na planta de Laboratorios Asociados Nupel situada en Lugo. Esta planta dispón da tecnoloxía máis avanzada que permite a realización dos procesos produtivos máis sofisticados.

A planta cumpre os requisitos europeos en materia de GMPs.  As instalacións están perfectamente equipadas para manter a alta calidade na produción durante os vindeiros anos. Todos os procesos produtivos están altamente controlados e automatizados, para garantir a calidade do produto final.

A planta ocupa unha superficie de 8.000 m², onde se realizan operacións de fabricación, reenchido e acondicionamento de líquidos, así como envasado e acondicionamento dos máis diversos produtos sólidos.

As instalacións dispoñen de áreas perfectamente separadas para a recepción e o almacenamento de materias primas, materiais de acondicionamento, o envío de produtos acabados, os laboratorios de control de calidade, zonas diferenciadas de produción e acondicionamento.

 Capacidade de produción
 Líquidos
 Dispoñemos das instalacións e equipamentos necesario para a fabricación e acondicionamento de gran cantidade de produtos líquidos, principalmente solucións desinfectantes.

 Envasado e acondicionamento
 As nosas liñas de envasado de produtos contan cos últimos avances tecnolóxicos para garantir a obtención de produtos de máxima calidade.

 Formas sólidas

• Tiras Alu-Alu con posibilidade de facer unidoses en todos os formatos.

 Líquidos

• Envases de plástico desde 30 ml ata 1000 ml.  

• Acondicionamento secundario de todo tipo de frascos e viais, coa posibilidade da utilización de etiquetas tipo libro.