1. AVISO LEGAL
 A efectos de cumprir a nova lexislación vixente sobre sitios web nos que se inclúe información sobre medicamentos ou especialidades farmacéuticas de prescrición, só poden acceder a esta área profesionais da saúde.
En caso de non pertencer a este colectivo, abstéñase de continuar.En caso de pertencer a este colectivo, acceda ás especialidades do seu interese.
 
2. RESPONSABILIDADE
Esta aplicación informática contén as fichas técnicas das especialidades farmacéuticas con titularidade de Laboratorios Asociados Nupel S.L.

 A ficha técnica, tal e como se contempla no artigo 19 da Lei 25/1990, de 20 de decembro, do Medicamento, é un documento dirixido ao profesional sanitario que inclúe a descrición da especialidade farmacéutica, as indicacións terapéuticas autorizadas, as súas condicións de uso, datos sobre a súa seguridade, datos farmacéuticos e as propiedades do medicamento, todo iso baseado na información científica dispoñible. Este documento é revisado e autorizado pola Axencia Española do Medicamento e o seu contido vaise actualizando durante o período de comercialización  coa fin de incluír a nova información da que se vai dispoñendo. Todas as modificacións son igualmente revisadas e autorizadas pola Axencia Española do Medicamento.

 A información contida nesta aplicación informática, por tanto, está dirixida exclusivamente aos profesionais sanitarios. Para os demais usuarios, pacientes e público en xeral, é altamente recomendable dispoñer desta información a través do prospecto, que se inclúe dentro da cartonaxe da especialidade farmacéutica. No prospecto, consonte o previsto no artigo 19 da Lei do Medicamento, así como os artigos 2 e 8 do Real Decreto 2236/1993, de 17 de decembro, polo que se regula o etiquetado e prospecto dos medicamentos de uso humano, preténdese trasladar o contido científico da ficha técnica a unha linguaxe accesible para o público en xeral. Da mesma maneira que foi descrito para as fichas técnicas, os prospectos tamén son autorizados pola Axencia Española do Medicamento.

 Laboratorios Asociados Nupel S.L. non se fai responsable, baixo ningún concepto, do uso ilegal, indebido ou da manipulación dos contidos e informacións desta aplicación informática. Tanto o acceso a esta aplicación, como o uso que poida facerse da información e contidos da mesma, será de exclusiva responsabilidade de quen o realice.
O contido e información da presente aplicación informática,  ten unha finalidade exclusivamente informativa e carece de validez a efectos legais.

 Tras haber entendido este aviso legal, pode utilizar o botón actualizar do seu navegador para acceder ao contido que previamente solicitara.